https://omeka.cloud.unimelb.edu.au/execution-ballads/files/original/ee72375b8a64c71f8a091e10b3dd9892.tif c8738ed379b5455c5f40a794d4534d59 Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource English Execution Ballads Execution Ballad Transcription Transcription of ballad lyrics NOw Katherine de Medicis hes maid sic a Gyis To tary in Paris the Papistes ar tykit At Bastianes brydell howbeit scho denyis Giue Mary slew Hary, it was not vnlykit Yit a man is nane respectand this number I'dar not say wemen hes wyte of this cummer. Yone Mask the Quene mother hes maid thame in France Was maikles and saikles, and schamfully slane Bot Mary conuoyit and come with ane dance Quhill Princes in Sences was fyrit with ane trane Baith tressonabill murtheris, the ane and the vther I go not in Masking mair with the Quene Mother. Italianes ar Tyranis, and tressonabill Tratoris: For gysours deuysours, the Guysianis ar gude Bot Frenche men ar trew men, and not of thair natouris Than Charlie I farlie thow drank thy awin blude I wyte bot thy Mother wit, wemen ar vane In greis neir to Ganyelon nor grit Charlie Mane. Thy style was Treschristien maist Cristen King Baith hiest and friest, and neist the Impyre Bot now Prouest Marschell in playing this spring And ressoun for tressoun prouokis God to Ire Beleuis thow this trumprie sall stablische thy style? Our God is not deid yit, be doand ane quhyle. Suppois that the Papistes deuysit this at Trent To ding vs and bring vs with mony lowd lauchter With sic cruell Murther is Christ sa content To take the and make the ane Sanct for our slauchter Albeit he correct vs, and scurge vs in Ire Be war with the wand syne he wapis in the fyre. For better is pure men nor Princes periurit Baith schameles and fameles, we find thame sa fals With sangis lyke the Seryne our lyfis thow allurit Ouirsylit vs begylit vs with baitis in our hals Or as the fals Fowler his fang for to get, Deuoiris the pure volatill he wylis to the net. In Ilis nor in Orknay, in Ireland Oneill Thay dar not, thay gar not, thair liegis be stickit Solyman, Tamerlan, nor yit the mekle Deill Proud Pharao, nor Nero, was neuer sa wickit Nouther Turk nor Infidell vsis sic thing As be their awin burreo, being ane King. Baith auld men and wemen, with babis on thair breist Not luking nor huking, to hurll thame in Sane All beand murdreist downe, quhat do ye neist Processioun, Confession, and vp Mes agane Proud King Antiochus was sum tyme als haly And yit our God guschit out the guttis of his belly Thy Syster thou maryit, thy Saces was sour Sic cuikrie for luikrie was euill Interprisit Ye maid vs the Reid Freiris, and rais in an hour Abhorring na gorring that micht be deuisit Thou playit the fals Hypocreit fenyeing the fray But inwart ane rageing wolf waitand thy pray. That France was confidderat with Scotland I grant, Baith actit, contractit, and keipit in deid The kyndnes of Cutthrottis, we cure not to want Denyis thame, defyis thame, and all thair fals seid It was bot with honest men we maid the band And thou hes left leifand bot few in that land. Our faith is not warldly we feir not thy braulis Thocht hangmen ouirgang men, for gaddaring our geir Ye kill bot the Carcase, ye get not our Saulis Not douting our shouting is hard in Goddis eir The same God from Pharo defendit his pepill And not yone round Robene that standis in your stepill. Now wyse Quene Elizabeth luik to your self Dispite them, and wryte thame, ane bill of defyance The papistis and Spanyards, hes partit your pelf As newly and trewly was tald me thir tythance Beleue thay to land heir, and get vs fornocht Will ye do as we do, it salbe deir bocht. Giue pleis God we gre sa, and hald vs togidder Baith surely and sturely, and stoutly gainstand thame They culd not weill conqueis vs, culd ye considder For our men are dour men, and likis weill to land thame Quhen Cesar him self was chaist, haue ye foryet And baith the Realmes be aggreit, tak that thay get. For better it is to fecht it, defendant our lyfis With speir men and weir men, and ventour our sellis Nor for to se frenche men deflorand our wyfis Displace vs, and chace vs, as thay haue done ellis I meane quhen the Inglismen helpit at Leith And gart thame gang hame agane spyte of thair teith. I cannot trow firmely that Frenchmen ar cummen Persayfand thame haifand, thame selfis into parrell The Lord saue Elizabeth, thair ane gude woman That cauldly and bauldly, debait will our quarrell With men and with money, baith Armour and graith As scho hes befoir tyme defendit this Faith. Thocht France for thair falset be drownit in dangeris For causis and pausis thay plait into Pareis Yit [...]e ar in war estait waitand on strangeris No[...] gyding deuyding, our awin men from Mareis Go weid the calf from the corn, calk me thair dures And slay or ye be slane, gif sic thing occures. Bot how can ye traist thame, that trumpit yow ellis Decoir thame, do for thame, or foster thair seid And thay may anis se thair time, tent to your sellis Baith haitfull, dissaitfull, ye deill with in deid Anis wod and ay the war, with quhat ye do And mak thame fast in the ruit gif thay cum to. God blis yow my brether, and biddis yow gudnicht Obey God, go say God, with prayer and fasting Christ keip thie pure Ile of ouris in the auld rihct Defend vs and send vs, the life Euerlasting The Lord send vs quyetnes, and keip our young king The Quene of Inglands Maiestie, & lang mot yai Ring. Quod Simpell. FINIS. Language Language ballad is printed in Scots English Date Date of ballad 1572 Printing Location Location the ballad pamphlet was printed. Imprentit at Sanctandrois be Robert Lekpreuik [Printed at St André by Robert Lekprevik] Composer of Ballad Robert Simpell, 1530? - 1595 Crime(s) Crime or crimes for which the person in the ballad is convicted. murder Gender Gender of the person being executed. male Digital Object <iframe src="https://omeka.cloud.unimelb.edu.au/execution-ballads/files/fullsize/ee72375b8a64c71f8a091e10b3dd9892.jpg" frameborder="0" scrolling="yes" width="500" height="600"></iframe> Image / Audio Credit Reproduction of original in the British Library, STC / 22203, Huth 50 [11]; <a href="http://gateway.proquest.com.ezp.lib.unimelb.edu.au/openurl?ctx_ver=Z39.88-2003&amp;res_id=xri:eebo&amp;rft_id=xri:eebo:image:182327" target="_blank">EEBO Record</a> (institutional login required).  Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource ane new ballet set out be ane Fugitiue Scottisman that fled out of Paris at this lait Murther. English Male murder